Gabríel Kristinn gefur út matreiðslubók – Gabríel: síðastliðin 2 ár hef ég verið að skrifa, græja og gera fyrir þessa skemmtilegu matreiðslubók….

Gabríel Kristinn Bjarnason

Gabríel Kristinn Bjarnason matreiðslumaður og landsliðskokkur gefur út matreiðslubókina: „Þetta verður veisla“, sem út kemur í október. Í bókinni má finna frumlegar uppskriftir að smjöri og ídýfum, fingramat og veislupinnum, aðalréttum og eftirréttum.

Klárlega matreiðslubók fyrir þá sem vilja halda matarveislu heima og bjóða vinum og fjölskyldu heim í matarupplifun en vilja ekki hafa alltof mikið fyrir því.

Hér er kominn leiðarvísir að því hvernig má gera flottan mat úr hráefni sem meðal annars leynist inni í skápunum heima og töfra fram veislu á nýstárlegan hátt – áreynslulítið og án mikillar fyrirhafnar.

Útgefandi er Edda útgáfa.

„Síðastliðin 2 ár hef ég verið að skrifa, græja og gera fyrir þessa skemmtilegu matreiðslubók. Hönnuð fyrir fólkið sem elskar að bjóða í veislu heima en vantar nýjar framandi hugmyndir, allt frá þeyttu smjöri í aðalrétti og desserta.“

Segir Gabríel í tilkynningu á Instagram og segir að lokum:

„kemur í allar helstu verslanir um miðjan óktóber. Þetta verður veisla! Jólagjöfin í ár“

Myndir: instagram / @GabrielKristinn