Fiskidagurinn mikli 2010 í máli og myndum

Umferð gekk mjög vel miðað við fjölda og er gestum þakka sérstaklega fyrir þolinmæði og rólegan akstur. Bærinn var ríkulega skreyttur og töldu margir að ganga um bæinn væri eins og að vera á að risastórri skraut og listasýningu.

Vináttukeðjan
Föstudaginn 7. ágúst var dagskrá í kirkjubrekkunni sem er nokkurskonar setningarathöfn fyrir Fiskidaginn mikla og allt sem að honum snýr. Vináttukeðjan er hlý og notaleg stund þar sem að staldrað er við og hugað að vináttunni og náungakærleikanum. Aron Óskarsson og Gyða Jóhannesdóttir ásamt hljómsveitinni Ofnæmum frumfluttu og gáfu Fiskideginum mikla lag “Kvöldið fyrir Fiskidaginn mikla”, Stefán Þór Friðriksson, Dana Ýr Antonsdóttir, Matthías Matthíasson, Gyða Jóhannesdóttir, Karlakór Dalvíkur og leikskólabörn sungu, Séra Pálmi Matthíasson  flutti vinátturæðuna 2010, 5000 friðardúfublöðrum var sleppt, 10 skoteldum skotið upp, knúskorti með bókavinningum frá Sölku bókaforlagi dreift og að lokum knúsuðust allir viðstaddir.

Brúðubíllinn var á staðnum

Fiskidagurinn mikli
Laugardaginn 8. ágúst milli kl 10.30 – 17.00 var Fiskidagurinn mikli haldinn hátíðlegur í tíunda sinn sinn á hafnarsvæðinu á Dalvík. Dagskráin hófst með magnaðri þyrlubjörgunarsýningu frá Landhelgisgæslunni. Þyrlan Líf og Varðskipið Týr voru síðan til sýnis yfir daginn.

Bakaðar voru 16 120 tommu saltfiskpizzur

 35.000 manns heimsóttu Dalvík á Fiskideginum mikla

Í kjölfarið sáu um 20.000 manns eina mögnuðustu flugeldasýningu sem send hefur verið í loftið á Íslandi sýning sem sett var upp af björgunarsveitinni á Dalvík og og var í boði tveggja brottfluttra Dalvíkinga, Jóns Ægis Jóhannssonar sem býr og starfar í Kanada og Friðriks Más Þorsteinssonar sem býr og starfar í Bretlandi.

Salthúsverk

Fiskidagurinn mikli 2010 tókst í alla staði mjög vel og er það mál jafnt gesta sem skipuleggjenda að hátíðin í ár hafi verið sú besta frá upphafi, og má þar m.a nefna dagskrána á aðalsviðinu, skipulag, matseðil, veður afmælisdagskránna og ógleymanlega flugeldasýningu.

Fiskidagurinn mikli heiðrar árið 2010:

Samherja hf
Samherji hf er heiðraður fyrir margháttaða sjávarútvegs-starfsemi á Dalvík. Á árinu 2010 eru 10 ár frá því Samherji hf kom að rekstri frystihússins á Dalvík. Frystihúsið hefur um áratugaskeið verið stærsta fiskvinnslufyrirtækið á Dalvík og verið í farabroddi fiskvinnslufyrirtækja á landinu. Á þeim áratug sem Samherji hf hefur rekið frystihúsið hefur hráefnið sem unnið er í húsinu tvöfaldast. Starfsmönnum hefur fjölgað á þessu tímabili en jafnframt hefur mikil framleiðniaukning og hagræðing átt sér stað.

Í dag rekur Samherji hér á Dalvík fullkomnustu fiskvinnslu á landinu, og þótt víðar væri leitað. Sérstaklega er Samherji hf heiðraður fyrir öflugan stuðning við Fiskidaginn mikla. Árið sem Samherji hf hóf rekstur frystihússins á Dalvík var ákveðið að halda Fiskidaginn mikla í fyrsta sinn. Frá upphafi hefur Samherji hf verið aðalstyrktaraðili hátíðarinnar og alla tíð lagt til uppistöðu hráefnisins sem matbúið hefur verið fyrir gesti. Úrvals hráefni sem hefur gert það kleift að bjóða til veislu eins og á bestu veitingahúsum.

Fiskidagurinn mikli heiðrar árið 2010:

Í tilefni af 10 ára afmælinu voru í raun ALLIR heiðraðir og fengu að gjöf risamálverk sem að listamaðurinn og Dalvíkingurinn Vignir Hallgrímsson málaði í sumar á suðurvegg salthússins sem er á hátíðarsvæðinu. Verkið var afhjúpað af sex fulltrúum. Þeir voru ;Ottó Jakobsson fyrir hönd stjórnar Fiskidagsins mikla, Hafdís Bjarnadóttir fyrir hönd sjálfboðaliða, Þorsteinn Sigfússon, (Steini Straumur frá Hólmavík) fyrir hönd allra gesta sem hafa komið, Kolbrún Pálsdóttir síldardrottning fyrir hönd matarstöðva, Hilmar Danílesson fyrrverandi forstjóri og stofnandi Sölku Fiskmiðlunar fyrir hönd styrktaraðila og Páll Kristinsson frá Landflutningum Samskip fyrir hönd gestgjafanna.