Danól innkallar hrökkbrauð og kex

Danól, að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum Hrökkbrauð – Jurtir & sjávarsalt og Crunchy Crackers – Herbs & Sea Salt frá Sigdal Bakeri.

Ástæða innköllunar er að varnarefnið ethylene oxíð var notað við framleiðslu á jurtablöndu (blóðberg/óreganó) sem síðan var notuð við framleiðslu á vörunum. Ethylene oxíð er ekki leyfilegt til notkunar við framleiðslu matvæla í Evrópu.

Hver er hættan?

Ethylene oxíð hefur ekki bráða eiturvirkni en efnið hefur erfðaeituráhrif (getur skaðað erfðaefnið) og getur því haft skaðleg áhrif á heilsu.

Upplýsingar um vöru sem innköllunin einskorðast við:

• Vörumerki: Sigdal Bakeri
• Vöruheiti: Hrökkbrauð – Jurtir & sjávarsalt
• Geymsluþol: Best fyrir Dagsetningar: Milli 06.01.2022 og 18.02.2022 og milli 26.03.2022 og 18.07.2022
• Strikamerki: 7071848004492
• Framleiðandi: Bakeverket AS
• Framleiðsluland: Noregur
• Vörumerki: Sigdal Bakeri
• Vöruheiti: Crunchy Crackers – Herbs & Sea Salt
• Geymsluþol: Best fyrir Dagsetningar: Milli 06.01.2022 og 18.02.2022 og milli 26.03.2022 og 18.07.2022
• Strikamerki: 7071848025077
• Framleiðandi: Bakeverket AS
• Dreifing: Verslanir um land allt

Viðskiptavinir sem keypt hafa ofangreind matvæli eru beðnir um að neyta þeirra ekki og farga en einnig er hægt að skila þeim í þeirri verslun sem þau voru keypt í gegn endurgreiðslu eða skiptum á samskonar vöru.

Mynd: Heilbrigðiseftirlit Reykjavíkur