Barr kaffihúsi hefur verið lokað

Menningarhúsið Hof á Akureyri

Nú er komið að kaflaskilum hjá Barr Kaffihúsi í Menningarhúsinu Hofi á Akureyri en því hefur verið formlega lokað og munu nýir rekstraraðilar taka við með vorinu.

„Við viljum þakka ykkur öllum fyrir viðskiptin á árinu og göngum frá borði með bros á vör. Takk kærlega fyrir okkur!“

segir í tilkynningu Barr.

Barr opnaði fyrir rúmlega átta mánuðum síðan og á undan þeim rekstri var veitingastaðurinn Eyrin sem var starfandi í um eitt ár.

Menningarfélag Akureyrar leitar að nýjum rekstraraðila til að sjá um kaffihúsa- og veitingarekstur í Menningarhúsinu Hofi.

Kröfur til rekstraraðila:

• Bjóða upp á hágæða veitingaþjónustu til gesta Hofs.
• Veitingaþjónusta á ráðstefnum, tónleikum,fundum og öðrum viðburðum sem fara fram í Hofi.
• Samstarf við Menningarfélag Akureyrar vegna viðburða í Hofi.

Umsækjendur skulu hafa reynslu af veitingarekstri og hafa sjálfbærni og gæði í fyrirrúmi í sínum rekstri. Í umsókninni eiga að koma fram hugmyndir og framtíðarsýn umsækjenda á veitingarekstur í Hofi ásamt tilboði í leigu á aðstöðunni.

Mynd: facebook / Barr Kaffihús