Axel hefur lokið keppni – Sjáið listaverkin hér

Axel Þorsteinsson frá Apótek Restaurant hefur lokið keppni í Global Pastry Chef Challenge um besta konditor Norður Evrópu, en keppnin er haldin samhliða Norðurlandaþingi matreiðslumanna í Aalborg í Danmörku.

Úrslitin verða tilkynnt föstudagskvöld 5. júní og verður spennandi að sjá hver sigrar, en aðrir keppendur voru Enni Rantala frá Finnlandi, Daniel Kruse frá Danmörku og Frida Backe frá Svíþjóð.

Meðfylgjandi myndir eru frá keppninni, en keppendur áttu að skila af sér eftirrétt á disk og listaverk.

Á morgun föstudaginn 5. júni keppa eftirfarandi aðilar:

• Global Chefs Challenge – Steinn Óskar Sigurðsson frá Vodafone
• Global Young Chefs Challenge – Hafsteinn Ólafsson frá Apotek Restaurant

Myndir: af facbook síðu KM