Innköllun á salsasósu vegna glerbrots sem fannst í einni krukku

Matvælastofnun varar neytendur við einni framleiðslulotu af Mild Chunky Salsa sósu frá Old Fashioned Cheese (OFC) sem Aðföng ehf. flytur inn vegna glerbrots sem fannst í einni krukku. Fyrirtækið hefur í samráði við heilbrigðiseftirlit Reykjavíkur innkallað vöruna.

Innköllunin á eingöngu við eftirfarandi framleiðslulotu:

• Vörumerki: Old Fashioned Cheese (OFC)
• Vöruheiti: Mild Chunky Salsa
• Geymsluþol: Best fyrir 16-02-2025 ( EXP 16 FEB 2025 )
• Lotunúmer: MCSP 24-047 001
• Strikamerki: 048707444215 Nettómagn: 425 g
• Framleiðandi: Old Fashioned Foods, Inc. Framleiðsluland: Bandaríkin
• Innflytjandi: Aðföng, Skútuvogi 7-9, 104 Reykjavík.
• Dreifing: Verslanir Hagkaupa og Bónuss um land allt.

Neytendur sem keypt hafa vöruna er bent á að neyta hennar ekki, farga eða fá endurgreitt í verslun þar sem hún var keypt.

Mynd: mast.is