Grænt te innkallað – Varnarefnaleifar af Anthraquinone greindist yfir leyfilegu mörkum í vörunni

Matvælastofnun varar við neyslu á grænu tei Special gunpowder green tea sem fyrirtækið Víetnam market ehf. flytur inn og selur í verslunum sínum vegna varnarefnaleifa af Anthraquinone sem greindist yfir leyfilegu mörkum í vörunni. Varnarefnið er flokkað sem krabbameinsvaldandi og getur haft skaðleg áhrif á heilsu. Fyrirtækið hefur  í samráði við heilbrigðiseftirlit Reykjavíkur innkallað vöruna og sendar hafa verið út fréttatilkynningar.

Tilkynning barst í gegnum hraðviðvörunarkerfi Evrópu um hættuleg matvæli og fóður á markaði.

Innköllunin á einungis við um eftirfarandi framleiðslulotu:

• Vöruheiti: Special Gunpowder Green Tea
• Geymsluþol: Best fyrir Dagsetning: 31/12/2024
• Strikamerki: 3379140108783
• Nettómagn: 250 g
• Framleiðsluland: Kína
• Innflytjandi: Vietnam Market ehf., Suðurlandsbraut 6, 108 Reykjavík.
• Dreifing: Verslanir Vietnam Market að Bankastræti 11 og Laugavegi 86-94.

Neytendur sem keypt hafa vöruna er bent á að neyta hennar ekki og skila henni í verslanir Víetnam market gegn endurgreiðslu.

Mynd: mast.is