Flottar kökur og glæsileg list

Baldur og Þórey úr And Anti Matter og Lára Colatrella

Um síðustu helgi buðu lista hjónin, Baldur og Þórey úr And Anti Matter í kökur og kaffi í Hönnunarsafni Íslands. Að sjálfsögðu var ég mættur þar.

Áður lét maður það ekki stoppa sig að draga barnahópinn með á einhverja bílasýninguna á laugardögum í von um kalda pylsu og kók, svona til að spara aðeins. Núna ætlaði ég að vera aðeins menningarlegur og njóta listar og fá mér köku og kaffi.

Lára Colatrella úr Bauninni

Mér fannst þetta einnig sérlega forvitnilega þegar að ég sá að Lára Colatrella úr Bauninni yrði á staðnum með vegan kökur. Ég hafði aðeins heyrt af Láru sem er íslensk að hluta og er nýbúin að opna kökugerðina Baunin þar sem hún sérhæfir síg í vegan kökum eins og áður segir. Hún hefur verið að gera góða hluti.

Sýningin var mjög glæsileg fór Lára reyndar á kostum þarna að mínu mati því að það var varla hægt að sjá á milli flottra listaverka hjónanna og glæsilegra kræsinga, en látum myndirnar tala sínu máli.