Það verður tvöföld ánægja 8. desember

Veitingahúsið Salka og Hótel Borg

Félagsfundir hjá Klúbbi Matreiðslumeistara verða haldnir 8. desember næstkomandi sem hér segir:

Jólafundur KM

Jólafundur KM haldinn 8. desember á Hótel Borg í gylltasalnum klukkan 18:00.

Sturla Birgisson og starfsfólk hans á Borginni mun taka á móti okkur og reiða fram dýrindis rétti.

Gestir kvöldsins verða: Hrafnhildur Eyþórsdóttir djákni í Laugarneskirkju ásamt maka sínum Stefaníu Steinsdóttir.  Ívar og Maggi söngfuglar sem slógu í gegn í Ísland got talent koma og flytja nokkur hugljúf lög.

Glæsilegt happadrætti að vanda og mun innkoma renna til góðgerðamála.

Verð kr 4900 á mann

Skráning hjá Erni Svarfdal í síma 6604408 og á [email protected]

Jólafundur KM. Norðurland

Jólafundur KM. Norðurland verður haldinn þriðjudaginn 8. desember á Veitingahúsinu Sölku á Húsavík. Farið verður með langferðabíl frá Icelandair Hótel á Akureyri stundvíslega kl 17:00.

Jólafundurinn er haldinn með öðru sniði en venjulegir félagsfundir, að þessu sinni tökum við makana með. Allir mæta í sínu fínasta pússi sem sagt ekki í kokkajakka!

Boðið verður upp á glæsilegan jólamatseðil að hætti Guðbjarts og Barkar á Sölku sem er blandaður jóladiskur í forrétt og purusteik í aðalrétt ásamt meðlæti og einnig verður veglegt jólahappdrætti og er þá betra að koma með nóg af skotsilfri. Allur ágóðinn af happdrættinnu fer sem styrkur til Matvælabrautarinnar í Verkmenntaskólanum á Akureyri.

Nú er tækifæri til að eiga góða kvöldstund með mökum og öðrum félagsmönnum í rólegheitum til að koma sér í alvöru jólaskap.

Matarverð aðeins 3500 kr.

Skráning er hjá Kidda í síma 867-0979 eða [email protected]

Fjölmennum á jólafundinn.

Kveðja Stjórnin