Veitingastaðurinn Skúrinn opnaður í Stykkishólmi

Skúrinn er staðsettur við Aðalgötuna þar sem Verkalýðsfélag Snæfellinga var áður til húsa.

Í júlí var opnaður nýr veitingastaður í Stykkishólmi við Aðalgötuna þar sem Verkalýðsfélag Snæfellinga var áður til húsa.  Staðurinn ber nafnið Skúrinn og eru eigendur hans Arnþór Pálsson, Þóra Margrét Birgisdóttir, Rósa Indriðadóttir og Sveinn Arnar Davíðsson.

Á meðal rétta er hægt að fá fisk dagsins, t.a.m. kola með sætum kartöflum og lime majonesi.
Mynd: facebook/skúrinn

Matseðillinn samanstendur af samlokum og hamborgurum sem bera nöfn manna úr bæjarfélaginu, má þar nefna Björn Ásgeir svínabónda og Sigga leirloku og fiskur dagsins einfaldlega heitir Ísleifur. Einnig er hægt að fá salat og kökur og hristing eða „shake“ ásamt kaffi og drykkjum.

Stund á milli stríða
Arnþór Pálsson og Sveinn Arnar Davíðsson
Mynd: facebook/skúrinn

Á vef Skessuhornsins kemur fram að eigendurnir eru bjartsýnir á reksturinn og ætla að vera með opið í vetur og munu bjóða upp á rétt dagsins ásamt réttum af matseðli.

Facebook síða Skúrsins.

Mynd: skjáskot af google korti.