Hver hreppir titilinn: Kokteilbar Stykkishólms 2017?

Stykkishólmur

Keppnin um titilinn „Kokteilbar Stykkishólms“ verður haldin í annað sinn næstkomandi helgi 6. – 8. júlí 2017 og verða þátttakendur allir helstu veitingastaðir og barir í Stykkishólmi. Hátíðin tókst vel í fyrra og ekki við neinu öðru að búast í ár.

Keppnisfyrirkomulagið verður með sama sniði og síðast en staðirnir sem taka þátt búa allir til kokteil sem verður í boði á sérstaklega góðu verði yfir helgina. Vel valin dómnefnd mun fara á milli staða, smakka kokteilinn, grandskoða öll atriði og úrskurða hver þeirra sé sá allra besti. Í fyrra sigraði Hótel Egilsen með kokteilinn Hjartadrottninguna.

Laugardaginn 8. júlí verður hátíðinni slitið með skemmtun á Fosshótel Stykkishólmi en þar verður tilkynnt um sigurvegara helgarinnar og hvaða staður hlýtur titilinn „Kokteilbar Stykkishólms 2017“.

Veitingastaðir sem taka þátt í ár eru:

• Hótel Egilsen
• Hótel Stykkishólmur
• Narfeyrarstofa
• Sjávarpakkhúsið
• Skúrinn
• Stykkishólmur Slowly

Mynd: Smári