Hátíð Bjórsins haldin í Officera klúbbnum á Ásbrú

Amerískur grill matseðill í boði

Hátíð bjórsins er nú haldin í þriðja sinn. Þá munu koma saman mörg af betri brugghúsum landsins og nú í fyrsta skiptið, heildsalar landsins og kynna nýja jafnt sem vel þekkta bjóra. Verður hátíðin haldin í hinu stórglæsilega húsnæði Officera klúbbsins, Ásbrú, Reykjanesbæ og hefst kl 17:00 á laugardeginum 24 maí næstkomandi.

Eftir bjór kynninguna, þá verður veglegur Amerískur grill matseðill í boði og ef úrslitaleikurinn í meistaradeildinni í fótbolta verður á sama degi, þá verður leikurinn sýndur í beinni fyrir þá sem vilja og þeir sem horfa ekki á fótbolta, þá verður annað skemmtiefni í boði.

Úrval af hágæða bjórum verða svo til sölu langt fram á kvöld ásamt lifandi músík.

Meðal þeirra gesta sem mæta á hátíðina eru Bjórsafn Íslands sem mun mæta á svæðið og sýna sitt einstaka safn af bjórum og Sindri hjá Bjórviss mun fjalla um skemmtilegt málefni svo fátt eitt sé nefnt.

Í meðfylgjandi myndbandi má sjá Sindra hjá Bjórviss með námskeið í pörun á bjór og mat:

Hægt er að kaupa miða á hátíðina á midi.is hér.

Mynd: aðsend

/Smári