Taktu þátt í einu eftirminnilegasta hlaupi sumarsins – RVK Bruggfélagið er klárt með búningana, en þú?

Bjórhlaup RVK Brewing Co er örugglega eftirminnilegasta hlaup sumarsins, en Bjórhlaupið byrjar og endar við Bruggstofuna á Snorrabraut 56 í hjarta Reykjavíkur laugardaginn 3. september.

Svæðið opnar kl. 14:00 og hlaupið verður ræst af stað klukkan 16:00.

Hlaupin verða bjórmíla, sem er nálægt 1,6 kílómetrum. Þrjár drykkjarstöðvar eru í hlaupinu og verða keppendur að ljúka einum bjór á hverri stöð. Keppnisbjórinn er léttur og ferskur og bruggaður sérstaklega fyrir hlaupið.

Þau sem náð hafa 20 ára aldri og eru ekki á bíl geta tekið þátt í bjórhlaupinu. Þátttakan er allt sem skiptir máli, og að hafa gaman. En til að hlaupa til sigurs þarf að finna hið fullkomna jafnvægi milli hlaupaforms og hæfileikans til að innbyrða vökva á stuttum tíma.

Hlaupagögn má sækja í Bruggstofuna á Snorrabraut, milli 17 og 22 frá miðvikudegi til föstudags, fram til 2. september næstkomandi.

Enginn fær bjór á drykkjarstöðvum nema að hafa númer.

Skráning hér.

Mynd: facebook / RVK Bruggfélag