Vel heppnuð Bjórhátíð sem hefur líka þróast út í mikla matarhátíð – Myndir

Þá er tíundu Bjórhátíðinni lokið, sem að þessu sinni var haldin í reiðhöll háskólans, Þráarhöll á Hólum í Hjaltadal nú um helgina.

Vel var mætt á hátíðina og voru um 40 bjórar á boðstólnum að þessu sinni. Hátíðin hefur þróast í það að vera líka mikil matarhátíð og á boðstólnum voru pítsur með skagfirsku hráefni, hægeldaður grís, Surf & Turf samloka með skagfirsku hrossakjöti og risarækjum, chorizo pylsur og ærkjötsborgari svo fátt eitt sé nefnt.

Bjór frá Brother’s Brewery í Vestmannaeyjum, Baldur Imperial Stout, fékk 1. verðlaun.

Á hátíðinni velja gestir bestu bjórana og í ár varð það bjór frá Brother’s Brewery í Vestmannaeyjum, Baldur Imperial Stout, sem fékk 1. verðlaun.

Tart Coulis súrbjór frá Húsavíkur Öl lenti í öðru sæti

Tart Coulis súrbjór frá Húsavíkur Öl lenti í öðru sæti og Randy súrbjór frá Böl lenti í þriðja sæti.

Randy súrbjór frá Böl lenti í þriðja sæti.

Bruggsmiðjan Kaldi fékk svo sérstaka viðurkenningu fyrir besta básinn.

Myndir: facebook / Bjórsetur Íslands