Rummo-pasta komið á matseðil skóla í Hafnarfirði

Ítalska Rummo-pastað er nú komið á vikulegan matseðil leik- og grunnskóla í Hafnarfirði. Matarstund, sem sér um skólamáltíðirnar, hefur tekið í notkun ítölsk hráefni frá Olifa á Íslandi, meðal annars pasta, jómfrúarolíur og tómatvörur frá Puglia-héraði á Ítalíu.

Samstarfið er liður í áframhaldandi þróun matseðla hjá Matarstund, þar sem áhersla er lögð á fjölbreyttar og næringarríkar máltíðir úr vönduðu hráefni.

Bjarni Gunnar Kristinsson matreiðslumeistari leiðir þróun matseðla og gæðamála hjá Matarstund. Hann segir mikilvægt að pasta haldi lögun og áferð þegar eldað er fyrir stóran hóp. Rummo-pasta gefi góðan grunn að einföldum og bragðgóðum réttum sem henti skólamötuneytum.

Danól annast sölu og dreifingu til fageldhúsa

Danól hefur tekið að sér sölu og dreifingu á vörum Olifa á Íslandi til íslenskra fageldhúsa, meðal annars veitingastaða, hótela og mötuneyta.

Með samstarfinu verða vörurnar aðgengilegar fagfólki í veitinga- og mötuneytageiranum í gegnum dreifikerfi Danól.