Siggi Hall, Guðmundur og Þormóður á Kipinä

Siggi Hall, Þormóður Guðbjartsson og Guðmundur Guðmundsson á matarhátíðinni Food & Fun árið 2017. Mynd: Úr safni.

Íslensku matreiðslumeistararnir Siggi Hall, Guðmundur Guðmundsson og Þormóður Guðbjartsson verða gestakokkar á veitingastaðnum Kipinä í Kustavi í Finnlandi dagana 22. til 26. júlí næstkomandi. Þar munu þeir bjóða gestum upp á sérstakan fjögurra rétta matseðil þar sem íslenskt og finnskt hráefni mætast á áhugaverðan hátt.

Siggi Hall er íslenskum matgæðingum að góðu kunnur sem matreiðslumeistari, matreiðslubókahöfundur og sjónvarpsmaður. Hann hefur jafnframt komið að skipulagningu Food & Fun matarhátíðarinnar á Íslandi. Þetta verður í annað sinn sem Siggi Hall heimsækir Kipinä en hann eldaði þar einnig árið 2013.

Með honum verða Guðmundur Guðmundsson, fyrrverandi kennari við matreiðslunám Hótel og matvælaskólans, og Þormóður Guðbjartsson, fyrrverandi yfirkokkur Icelandair Hotels. Þormóður hefur á síðari árum snúið sér aftur að matreiðslu og starfar nú sem einkakokkur í einkaþotum Icelandair.

Áhersla verður lögð á að sameina íslenskt hráefni, sem hefur mótast af eldfjallajarðvegi landsins, og ferskt, staðbundið hráefni úr finnska skerjagarðinum.

Á meðan á heimsókn þeirra stendur verður aðeins í boði einn vandlega samsettur fjögurra rétta matseðill sem kostar 79 evrur. Einnig verða í boði vínpakkar sem paraðir eru við réttina, auk óáfengs drykkjapakka.