Ítalska keðjan Spaghetti House komin í þrot

Breska veitingakeðjan Spaghetti House hefur hætt rekstri eftir að félagið fór í greiðslustöðvun.  Veitingakeðjan Spaghetti House, sem fagnaði 70 ára afmæli sínu á síðasta ári, hefur lokað öllum fimm veitingastöðum sínum í London.

Spaghetti House var stofnað árið 1955 af Simone Lavarini og Lorenzo Fraquelli á Goodge Street í London og varð með árunum þekkt nafn í veitingabransanum í London. Á sínum tíma rak keðjan um tólf staði í borginni, en síðustu ár hafði reksturinn dregist saman.

Síðustu staðirnir sem nú hafa verið lokaðir voru staðsettir við Marble Arch, Carnaby Street, Oxford Street, Kensington High Street og Cranbourn Street. Upprunalegi staðurinn á Goodge Street lokaði hins vegar seint á síðasta ári.

Eigandinn Lavval Group hafði einnig opnað ítalska veitingastaðinn A Braccetto í Earl’s Court árið 2024 og kynnti hann sem nýja kynslóð hverfisveitingastaðar, en sá rekstur hefur einnig verið lagður niður.

Myndir: spaghettihouse.co.uk