Myndaveisla: Svavar Helgi Ernuson sigraði í Reyka kokteilkeppninni á Food & Fun

Reyka kokteilkeppnin fór fram samhliða Food & Fun hátíðinni í Reykjavík. Eftir svokallað „walk around“ mat dómara frá Barþjónaklúbbi Íslands voru fimm keppendur valdir til að halda áfram í úrslit, sem fóru fram á fimmtudagskvöld í Petersen svítunni.

Til úrslita kepptu Maria Calamari frá La Primavera í Marshallhúsinu, Svavar Helgi Ernuson frá Fjallkonunni, Steinþór Helgi Arnsteinsson frá Skreið, Dagur Jakobsson frá Apóteki og Arnór Páll Róbertsson Eydal frá Sumac.

Svavar Helgi Ernuson

Að lokum stóð Svavar Helgi Ernuson uppi sem sigurvegari keppninnar. Dagur Jakobsson hlaut einnig sérstök verðlaun fyrir kokteilinn með bestu tenginguna við matseðil staðar síns í tengslum við Food & Fun.

Í þremur efstu sætunum enduðu Svavar Helgi Ernuson, Steinþór Helgi Arnsteinsson og Dagur Jakobsson.

Úrslitin voru tilkynnt á lokapartýi Food & Fun sem haldið var á nýja staðnum Gamla Reykjavík í Austurstræti við mikinn fögnuð gesta.

Ljósmyndir frá keppninni Food & Fun tók Valgarður Gíslason.