Veitingastaðurinn Torgið á Siglufirði flytur í gula húsið við höfnina

Veitingastaðurinn Torgið á Siglufirði flytur í gula húsið við höfnina þar sem Hannes Boy var áður til húsa
Mynd: Smári / Veitingageirinn.is

Veitingastaðurinn Torgið á Siglufirði birti nú í kvöld tilkynningu á facebook þar sem segir að Torgið verði lokað á morgun, mánudaginn 30. maí og á þriðjudaginn 31. maí.

Þessa dagana standa yfir flutningar en Torgið mun flytja í gula húsið við höfnina þar sem Hannes Boy var áður til húsa og opnar Torgið formlega á hinum nýja stað 1. júní næstkomandi.

„Við Hjónin Auður og Danni þökkum fyrir frábær 6.5 ár í aðalgötunni og eigum eftir að sakna götunnar.“

Veitingahjónin á Torginu, Daníel Pétur Baldursson og Auður Ösp Hlíðdal Magnúsdóttir.
Mynd: facebook / Torgið restaurant

Segir meðal annars í tilkynningu, en það eru hjónin Daníel Pétur Baldursson matreiðslumaður og Auður Ösp Magnúsdóttir sem standa að baki veitingastaðnum Torginu á Siglufirði.

Engar meirháttar áherslubreytingar verða á matseðli, pizzurnar verða á sínum stað sem og hamborgarnir svo fátt eitt sé nefnt.

F.v. Sólrún Guðjónsdóttir, Jimmy Wallster, Bjarni Rúnar Bequette og Halldóra Guðjónsdóttir
Mynd: trolli.is

Rauðka mun einnig bjóða upp á sínar útgáfur af pizzum eins og síðustu ár.

Í febrúar s.l., sjá nánar hér, leigði Keahótel allan rekstur Sigló Hótels á Siglufirði og gekk meðal annars inn í rekstur veitingadeildar sem rekur veitingastaðina Sunnu, Rauðku og Hannes Boy sem nú verður Torgið. Rekstraraðilar veitingadeildar á Siglufirði eru KeaHótel, hjónin Halldóra Guðjónsdóttir og Bjarni Rúnar Bequette, hjónin Jimmy Wallster og Sólrún Guðjónsdóttir og hjónin Daníel Pétur Baldursson og Auður Ösp Magnúsdóttir.

Frá undirskrift í febrúar s.l. þegar Keahótel tók við rekstri Sigló Hótels
Aron Pálsson, María Elín Sigurbjörnsdóttir, Róbert Guðfinnsson, Páll L. Sigurjónsson
Mynd: aðsend

Sjá einnig:

Þrír veitingastaðir á sömu þúfunni

Keahótel taka við rekstri Sigló Hótels