Vertu memm

Nýtt bakarí, veitingahús, fisk- og kjötbúð og hótel

Keahótel taka við rekstri Sigló Hótels

Birting:

þann

Keahótel tekur við rekstri Sigló Hótels

Aron Pálsson, Páll L. Sigurjónsson og María Elín Sigurbjörnsdóttir

Keahótel ehf. hafa tekið við rekstri Sigló Hótels og tengdrar starfsemi. Samningurinn gildir til 17 ára og hefur þegar tekið gildi. Keahótel leigir allan rekstur Sigló Hótels á Siglufirði, en þar undir er hótelið sjálft, veitingastaðirnir Sunna, Rauðka og Hannes Boy ásamt Sigló gistiheimili, að því er fram kemur í fréttatilkynningu frá Keahótel ehf.

Með þessum samningi verður Sigló Hótel níunda hótelið í hótelkeðju Keahótela, sem meðal annars reka Hótel Kea á Akureyri, Hótel Borg í Reykjavík og Hótel Kötlu á Vík.

„Þetta er spennandi tækifæri en ég hef mikla trú á svæðinu og er stoltur af því að fá Sigló Hótel í okkar raðir. Ég hef miklar væntingar til áframhaldandi ferðaþjónustu á svæðinu. Samningurinn gefur færi á að efla markaðsstarf til muna og nýta samlegðaráhrif hótelkeðjunnar í öflugu sölu- og markaðsstarfi, bæði innalands og á alþjóðavísu“,

segir Páll L. Sigurjónsson, forstjóri Keahótela.

Keahótel tekur við rekstri Sigló Hótels

Aron Pálsson, María Elín Sigurbjörnsdóttir, Róbert Guðfinnsson, Páll L. Sigurjónsson

Róbert Guðfinnsson og fjölskylda hans stofnuðu Sigló Hótel árið 2015. Hótelið er búið 68 herbergjum, þar er að finna veitingastað, útipottasvæði og þurrgufu. Hótelið stendur við höfnina á Siglufirði og hefur notið mikilla vinsælda. Það er orðið eitt af aðalkennileitum Siglufjarðar.

„Núna, þegar við sjáum fram á að ferðaþjónustan fari að taka við sér eftir tvö krefjandi ár, þá er mikil þörf á umtalsverðri endurskipulagningu í greininni. Við erum stolt af því að hafa náð samkomulagi við Keahótel og að hafa komið rekstrinum í góðar hendur. Við erum sannfærð um að félag með jafn öfluga bakhjarla og Keahótel er, verði leiðandi afl í íslenskri ferðaþjónustu á næstu árum,“

segir Róbert, en Kvika banki var Sigló Hóteli til ráðgjafar.

Aron Pálsson hótelstjóri Hótel Kea verður einnig hótelstjóri á Sigló Hóteli og María Elín Sigurbjörnsdóttir verður áfram aðstoðarhótelstjóri.

Aron segist spenntur yfir breytingunum og í þeim felist mikil tækifæri, enda hafi verið unnið gott starf á Sigló Hóteli.

„Við munum hlúa að því sem vel hefur verið gert og meðal annars einblína á upplifunarpakka sem boðið hefur verið upp á með góðri raun eins og skíðanámskeið, þyrluskíðamennsku, golfi og fleira. Við tökum við góðu búi þar sem hótelið er í fullum rekstri og mannað góðu starfsfólki.“

Myndir: aðsendar

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið