Veitingastaðurinn Kol – Veitingarýni

Ég skrapp um daginn í hádeginu á veitingastaðinn Kol við Skólavörðustíg 40, til að fá mér snæðing og fer upplifunin fram skriflega hér að neðan.

Tekið var á móti manni með bros á vör og boðið sæti, matseðillinn afhentur, vatni hellt í glasið og spurt hvor mætti bjóða mér eitthvað meira að drekka og var beðið um diet kók á kantinn.

Svo skoðaði ég matseðillinn og pantaði mér eftirfarandi:

Maltsúrdeigsbrauð með þeyttu smjöri

Fyrst kom heimabakað maltsúrdeigsbrauð með þeyttu smjöri, alveg himneskt.

Forréttur
RISOTTO
Hörpuskel, grænar ertur, sítrónuconfit

Mjög ferskt bragð og hreinn unaður að borða.

Aðalréttur
GRILLAÐ LAMBA SIRLOIN
Rófur, geitaostur, pólenta, gulrætur, soðsósa

Kjötið var alveg ævintýralega meyrt og steikingin nánast fullkominn,meðlætið tónaði vel saman við og soðsósan batt allt saman þannig að úr var hörkuréttur.

Ábætir 1
JARÐARBER
Lemongrass, hvítsúkkulaði ganache, basil og skyr

Mjög mild og góð bragð samsetning, eina að basil olían er það bragðmikil að það mætti minnka magn um helming, því annars stelur hún bragðinu.

Ábætir 2
SÚKKULAÐI-MOUSSE
Appelsínuparfait, appelsínutapioca

Svakalega skemmtileg og mild samsetning á súkkulaði og appelsínu.

Niðurstaðan er ljúf eldamennska með vísan í klassíkina, mjög góður matur, frábær þjónusta og sá sem sá um að taka á móti gestum er hreint út sagt þjónn af guðs náð, ég væri alveg til í að sitja út í horni og fylgjast með honum vinna, því miður er svona vinnubrögð að verða frekar sjældgæf.

Þessi steik er reyndar mjaðmasteik og var oft kölluð skudsteik í gamla daga, frábær vöðvi.

Það sem mér finnst matreiðslumenn leggja meiri áherslu er annars vegar að vinna allt frá grunni, hins vegar að þeir eru farnir að nota ódýrari vöðva skepnunnar og er það vel og fullt tilefni til að hrósa þeim.

Ég gekk sæll og glaður út á hækjunum út í bíl sem beið mín.