Tveir Vitar á Garðskaga lokar | Einungis opinn fyrir hópa | Húsaleigusamningi sagt upp

Byggðasafnið á Garðskaga er alhliða byggða og sjóminjasafn. Á efri hæð safnsins er veitingahúsið Tveir vitar.

Eigendur veitingahússins Tveir Vitar á Garðskaga hafa ákveðið að lokað staðnum og er núna einungis opinn fyrir fyrirfram pantaða hópa, en þessi tilkynning var birt á facebook síðu staðarins nú í vikunni.

Lagt til að húsaleigusamningi vegna veitingaaðstöðu verði sagt upp
Á fundi bæjarráðs í Sveitarfélaginu í Garði sem haldinn var 26. mars s.l. var fjallað um starfsemi og rekstur ferðaþjónustu og byggðasafns á Garðskaga þar sem lagt er til að öll starfsemi og rekstur á Garðskaga verði á einni hendi og undir einni yfirstjórn.

Þá er lagt til að húsaleigusamningi vegna veitingaaðstöðu verði sagt upp.  Á fundinum var samþykkt samhljóða að fela stýrihópi að vinna frekari tillögur og útfærslu á rekstrarfélagi sem annist allan rekstur og starfsemi á Garðskaga.

Mynd: /Smári