Þessir keppa í Hörpu um titilinn Besti kokkur norðurskautsins

Næstkomandi helgi fer fram úrslitakeppni Arctic Young Chef 2024 þar sem keppt verður um titilinn Besti kokkur norðurskautsins.   Keppnin fer fram í Hörpunni í Reykjavík, laugardaginn 19. október kl .10, samhliða alþjóðlegu Arctic Cirle ráðstefnunni.

Ungir og efnilegir matreiðslumenn frá fjórum löndum sem eiga aðild að NORA: Íslandi, Grænlandi, Færeyjum og Noregi keppa, en haldnar hafa verið keppnir innanlands í öllum löndunum og þeir fjórir sem nú keppa til úrslita eru (raða eftir stafrófsröð):

• Andrés Björgvinsson frá Íslandi
• Lars Abelsen frá Grænlandi
• Runar Helgeland frá Noregi
• Sebastian Jiménes Garcia frá Færeyjum

Sjá einnig: Andrés verður fulltrúi Íslands í Arctic Young Chef keppninni

Þessir fjórir keppendur munu sýna færni sína í matargerð með því að framreiða rétti sem endurspegla hið frábæra auðuga og sjálfbæra hráefni sem norðurslóðir bjóða upp á. Keppendur nýta í matreiðslunni vandlega valið hráefni frá norðurslóðum eins og sjá má á eftirfarandi hráefnislista:

• Forréttur: saltfiskur, bragðbættur með færeysku þangi
• Aðalréttur: lambahjarta og lambaháls, ásamt norskum berjum og grænlensku öli
• Eftirréttur: rabarbari, í samspili við íslenskt skyr

Samsetning þessara rétta gefur til kynna bragðefni og sérkenni norðurslóða og byggir á gildum Arctic Young Chef keppninnar, þar sem áherslan er á vannýtt hráefni ásamt hráefni sem auðvelt er að nálgast en er samt ekki áberandi í matreiðslu.  Þeir fjórir sem keppa til úrslita eiga meðal annars að virkja sköpunargáfuna til að koma með tillögu að nýjum norðurslóða-rabarbara-eftirrétti.

Átta heppnir gestir á Arctic Circle ráðstefnunni fá tækifæri til að upplifa og njóta sköpunarverks keppendanna og bragða á réttum keppenda í lokakeppninni.

Ef Instagram færslan birtist ekki hér fyrir neðan er ráð að endurhlaða síðuna (e. refresh).

 

View this post on Instagram

 

A post shared by Arctic Young Chef • NORA initative (@arctic_young_chef)

Myndir: aðsendar