Markaðurinn
Súkkulaðiveisla með suðrænu ívafi
Nói Síríus byrjar nýja árið á því að gleðja sanna sælkera með því að setja á markað gómsæta nýjung, Síríus Pralín dökkt súkkulaði með ómótstæðilegri kókosfyllingu. Bragðmikið 56% Barón súkkulaðið blandast einstaklega vel við silkimjúka fyllinguna svo úr verður veisla fyrir alla þá sem kunna gott að meta. Og grænkerar gleðjast líka því nýja súkkulaðið er vegan.
„Við eigum von á að súkkulaðiunnendur muni taka þessari vöru fagnandi. Barón súkkulaðið er hið fullkomna súkkulaði fyrir þroskaða bragðlauka og þegar það blandast kókosfyllingunni þá verður til einstök bragðupplifun sem við erum mjög stolt af því að bjóða upp á.
Það skemmir svo ekki fyrir að bragðið minnir á suðlægar slóðir og veitir þannig kærkominn yl í mesta skammdeginu,“
segir Alda Björk Larsen, markaðsstjóri Nóa Síríus, og bætir við að það borgi sig að hafa hraðar hendur því um sé að ræða tímabundna vöru.
Eins og allt Síríus súkkulaði þá er nýja Pralín súkkulaðið vottað af Cocoa Horizons samtökunum. Það þýðir að kakóhráefnin eru ræktuð á ábyrgan hátt með sjálfbærni að leiðarljósi. Bændur fá aðstoð við að auka fjölbreytileika uppskerunnar og nýta land sitt betur sem stuðlar að jákvæðari umhverfisáhrifum og dregur meðal annars úr eyðingu regnskóga.

-
Viðtöl, örfréttir & frumraun4 dagar síðan
Centrum stækkar með nýrri viðbót í gamla Pósthúsbarnum
-
Keppni4 dagar síðan
Dagur Jakobsson sigraði í Graham’s Blend Series Kokteil keppninni – Myndir og vídeó
-
Keppni4 dagar síðan
Hraði og hreinlæti tryggðu Sævari Helga sigur í barþjónakeppninni – Myndaveisla
-
Markaðurinn2 dagar síðan
Snjöll lausn fyrir veitingastaði – Heinz EazySauce tryggir rétta skammtinn
-
Nemendur & nemakeppni3 dagar síðan
Áhugaverð atvinnutækifæri: Veitingastaðir leita að metnaðarfullum nemum
-
Markaðurinn4 dagar síðan
Ómótstæðilegar sælkerabollur – brakandi marengs, silkimjúkur rjómi og dýrindis karamella
-
Markaðurinn5 dagar síðan
Ljúffengur bolluhringur – fullkominn með smjöri og osti
-
Frétt4 dagar síðan
Ölgerðin eflir sig á matvælamarkaði með kaupum á Kjarnavörum