Steikarsalat með ananas- og engiferdressingu

Tvær 200 gramma nautasteikur eru lagðar í viskí- og púður-sykurskryddlög í a.m.k. 1 klukkustund (sjá uppskrift hér að neðan).

Taktu steikurnar úr kryddleginum og skelltu á mjög heitt grill. Grillaðu að eigin ósk, í 2-3 mínútur á hvorri hlið til að fá kjötið meðalhrátt (medium-rare).

Láttu steikurnar standa í um 10 mínútur áður en þú skerð þær svo kjötið haldi safanum og meyrni (ef þú skerð það of fljótt rennur allur safinn úr kjötinu og út á diskinn eða brettið). Skerðu steikurnar í rúmlega sentimetra þykkar sneiðar.

Pískaðu saman dressinguna, en geymdu ananasbitana og steinseljuna þar til síðast og bættu því varlega saman við (sjá uppskrift hér að neðan).

Helltu dressingunni yfir salatið og settu skammt á hvern disk og steikarsneiðar yfir.

Viskí- og púðursykurskryddlögur

1 tsk sítrónubörkur
1 tsk appelsínubörkur
2 hvítlauksgeirar, saxaðir og maukaðir, eða pressaðir
80 ml búrbonviskí eða Jack Daniels
¼ þéttfullur bolli af ljósum púðursykri
120 ml Kikkoman sojasósa
1 msk Bahncke Dijon-sinnep
1 tsk af sterkri sósu að eigin vali

Blandaðu öllu saman í grunnri skál og helltu yfir kjötið sem á að kryddleggja, láttu standa í a.m.k. klukkustund í ísskáp. Lengri kryddlögn gerir kjötið bragðmeira, sérstaklega ef sneiðarnar eru þykkar. Snúðu kjötinu af og til, eða settu í stóran, lokaðan plastpoka og snúðu öðru hvoru.

Ananas- og engiferdressing

1 msk Kikkoman sojasósa
5 msk Sun Glory ananassafi
½ tsk fínt rifin engiferrót
½ tsk sesamolía, ljós eða dökk
1 miðlungsstór hvítlauksgeiri, maukaður eða saxaður
1 tsk Meli hunang
1 msk Isio 4 canola- eða græn-metisolía
2 msk ferskur límónusafi
¼ tsk malaðar rauðar piparflögur
1 msk söxuð fersk steinselja
¼ bolli ferskur ananas í ten-ingum

Öllu blandað saman í skál.

Höfundur: Völundur Snær Völundarson matreiðslumaður

Mynd: úr safni