Söguleg stund: Síðustu kaffibaunirnar brenndar á Akureyri

Nýja kaffibrennslan á Akureyri

Kaffibrennslu í húsnæði Nýju kaffibrennslunnar á Akureyri er nú lokið eftir nærri heila öld af starfsemi. Síðasti skammturinn af kaffibaunum hefur verið brenndur og þar með lauk yfir 90 ára sögu kaffibrennslu í bænum.

Íbúar Akureyrar hafa löngum vanist anganinni sem lagðist yfir hverfið frá Tryggvabrautinni, þar sem kaffibaunir fyrir vinsælar vörur eins og Braga-kaffi og Rúbín-kaffi hafa verið brenndar síðan árið 1957.

Saga kaffibrennslu á Akureyri nær þó enn lengra aftur. Kaffibrennsla Stefáns Árnasonar hóf starfsemi í miðbænum árið 1931 og hefur síðan gengið í gegnum samruna og eigendaskipti. Í dag er starfsemin rekin undir merkjum Kaffitárs.

Sjá einnig: Nýja Kaffibrennslan kaupir Kaffitár

Þrátt fyrir að kaffi hafi verið brennt á Akureyri allar götur síðan, er nú fyrirhugað að flytja brennsluofninn til Njarðvíkur, þar sem framleiðslan mun halda áfram.

Hægt er að sjá innslag um lok kaffibrennslunnar í fréttum RÚV.

Mynd: kbr.is