Skemmtilegir Negroni drykkir og rauður blær í kvöld

Í tilefni Negroni Week standa Gundars Eglitis, Brand Ambassador fyrir Marberg, og teymið á Jungle bar fyrir líflegum Negroni-viðburði í kvöld, fimmtudaginn 25. september. Viðburðurinn ber heitið „An Evening in Red“ og hefur verið í undirbúningi allt frá byrjun sumars, þannig að gestir geta átt von á fjölbreyttum og spennandi Negroni-drykkjum.

Eins og nafnið gefur til kynna verður rauði liturinn í forgrunni kvöldsins. Hann verður til heiðurs í drykkjunum sjálfum og allir sem mæta í einhverju rauðu fá glaðning frá Marberg á meðan birgðir endast.

Viðburðurinn hefst klukkan 20.00 á Jungle bar. Marberg, Jungle bar og Drykkur heildsali bjóða fagfólk úr bransanum og alla áhugasama hjartanlega velkomna í þetta líflega og skemmtilega kvöld.

Skráning og frekari upplýsingar má finna á facebook viðburðinum hér.