Skemmtilegar, bragðgóðar og öðruvísi veitingar

Ferðakaupstefnan Mid-Atlantic sem haldin var í febrúar s.l. er stærsta ferðakaupstefna sem haldin er á Íslandi og er þetta í 23. skipti sem hún var haldin og hefur aldrei verið fjölmennari.

Kaupstefnan er haldin á vegum Icelandair til þess að tengja saman kaupendur og seljendur ferðaþjónustu í þeim tilgangi að styrkja og auka ferðamannastraum til Íslands, og hefur alla tíð byggst á leiðarkerfi Icelandair.

Alls voru 252 sýningarbásar settir upp í Laugardalshöllinni og í þeim fór fram um sex þúsund bókaðir fundir milli viðskiptaaðila.

Íslandshótel var að sjálfsögðu á staðnum og fengu fagmennina á Grand Restaurant til að útbúa veitingar fyrir Íslandshótel á Mid Atlantic sölusýningunni. Þegar kom að því að stilla upp kræsingunum þá var leitað eftir andagift í náttúru Íslands og þetta var útkoman.

Veitingarnar sem Vignir Hlöðversson yfirmatreiðslumaður og Ingibergur Sigurðsson bakarameistari buðu viðskiptavinum Íslandshótela upp á voru skemmtilegar, bragðgóðar og öðruvísi:

• Léttsteikt hreindýr með hreindýralifrarkæfu
• Léttreykt og hægelduð bleikja með límónu
• Sætir hraunmolar
• Hvítur Kahlúa draumur
• Grand súkkulaði með mjúkri fyllingu

Auglýsingapláss

Myndir: aðsendar

/Smári