Barþjónn óskast í fullt starf hjá Hótel Reykjavík Centrum

Ertu að leita að skemmtilegu starfi í líflegu og alþjóðlegu umhverfi? Hótel Reykjavík Centrum óskar eftir að ráða til sín barþjón í fullt starf. Vertu hluti af fjölbreyttu og samheldnu teymi sem myndar öfluga liðsheild og veitir framúrskarandi þjónustu.

Helstu verkefni:

• Þjónusta og samskipti við gesti.
• Afgreiðsla á pöntunum á bar, blöndun drykkja og almenn kaffigerð.
• Birgðastýring og móttaka á vörusendingum.
• Áfylling á bar, undirbúningur og tryggja snyrtilegt umhverfi.
• Uppsetning, frágangur og þrif í veitingasal.

Hæfniskröfur

• Reynsla af sambærilegum störfum.
• Framúrskarandi færni í samskiptum, jákvætt viðmót og sveigjanleiki.
• Frumkvæði, nákvæmni og skipulag í vinnubrögðum.
• Gott vald á ensku skilyrði, önnur tungumál kostur.
• Almenn tölvukunnátta.

Farið verður með allar fyrirspurnir og umsóknir sem trúnaðarmál.

Hótelið er vel staðsett í miðbæ Reykjavíkur í göngufæri við nokkur af helstu kennileitum borgarinnar, vinsælum söfnum, veitingastöðum og börum. Á hótelinu fá töfrar liðinna tíma að skína í gegn, enda er það staðsett við eina af elstu götum borgarinnar, Aðalstræti. Hótelið endurspeglar sögulegan sjarma en hótelið er byggt á gömlum grunni og var elsti hluti hússins byggður árið 1764.

Lærðu meira um Hótel Reykjavík Centrum

Umsóknarfrestur: 15.01.2026.

Sækja um hér.

Mynd: úr safni