Jólabjórinn mætir 7. nóvember

Þá er loksins komið að deginum sem margir hafa beðið eftir, því 7. nóvember fellur ‚snjórinn‘ í Danmörku og að sjálfsögðu fögnum við því hér heima. Sala á jólabjór Tuborg hefst með pompi og prakt klukkan 20:59 og markar sá tími árlegt upphaf jólatímans í augum margra bjórunnenda.

J-dagurinn, eða „Julebryg-dagurinn“ eins og hann er nefndur í Danmörku, hefur verið haldinn hátíðlegur þar í landi frá árinu 1990. Þá aka bláir jólabílar Tuborg um göturnar með jólasveina í sínum einkennislitum, sem bera út bjórinn og gleðina. Hefðin hefur síðan breiðst út og víða er haldið upp á daginn með danska sjarma, góðum bjór og hátíðlegu andrúmslofti.

Hinn klassíski Tuborg Julebryg er dökkur lagerbjór með mildum karamellukeim, maltinu fylgir léttur sætleiki og kryddaður ilmur sem minnir á jólabakstur. Bjórinn hefur 5,6 prósent alkóhól og hefur í gegnum árin notið mikilla vinsælda bæði í Danmörku og hér á Íslandi.

Á Íslandi er Bjórgarðurinn við Þórunnartún 1 í Reykjavík einn vinsælasti samkomustaður J-dagsins. Þar koma saman bjórunnendur og þeir sem kunna að meta góða stemningu, tónlist og bragðgóðan mat. Boðið verður upp á hátíðarstemningu og jólagleði langt fram á kvöld þegar fyrsta flaskan af jólabjórnum er opnuð.

Það má með sanni segja að jólahátíðin hefjist fyrir alvöru þegar J-dagurinn rennur upp og fyrsta sopa af Tuborg Julebryg er lyft til heiðurs jólunum.