Fosshótel Stykkishólmur leitar að öflugum yfirþjóni

Fosshótel Stykkishólmur

Ertu reynslumikill þjónn með brennandi áhuga á frábærri þjónustu og faglegri stjórnun? Fosshótel Stykkishólmur óskar eftir öflugum yfirþjóni. Yfirþjónn sér um daglegan rekstur deildarinnar, samhæfir starfsemina, tryggir að þjónusta og gæði séu ætíð í hæsta gæðaflokki og vinnur í nánu samstarfi við rekstrarstjóra veitingadeildar.

Helstu verkefni og ábyrgð

• Fagleg umsjón, skipulag og framkvæmd verkefna í veitingasölum
• Þjónusta og samskipti við gesti
• Almenn vaktstjórn í veitinga-, fundar- og veislusal
• Fagleg þjálfun starfsmanna
• Umsjón með mönnun vakta og afleysingum í fríum og veikindum
• Miðlun upplýsinga til starfsfólks og milli vakta
• Fagleg úrlausn mála sem kunna að koma upp

Hæfniskröfur

• Menntun sem nýtist í starfi er kostur
• Traust reynsla af sambærilegu leiðtogahlutverki er skilyrði
• Góð færni í samskiptum, jákvætt viðhorf og þjónustulund í fyrsta sæti
• Frumkvæði, skipulögð og nákvæm vinnubrögð
• Gott vald á ensku er skilyrði; önnur tungumál eru kostur
• Góð almenn tölvukunnátta
• Öryggisvitund og þekking á HACCP er kostu

Í boði er húsnæði til leigu.

Fosshótel Stykkishólmur er þriggja stjörnu hótel með einstaklega fallegt útsýni yfir bæinn og eyjarnar í kring. Hótelið er tilvalinn áfangastaður fyrir þá sem vilja ferðast um Snæfellsnesið eða sigla um eyjarnar og skoða hið einstaka dýralíf sem þar finnst. Á hótelinu er að finna hlýlegt veitingahús sem býður upp á a la carte seðil þar sem hráefnið er sótt úr nærumhverfinu og innblásturinn kemur úr náttúrunni.