Sjóræningjaþema á sælkerakvöldi

Árvisst sælkerakvöld Björgunarsveitarinnar Blakks og Slysavarnadeildarinnar Unnar verður haldið á Patreksfirði á laugardag. Að þessu sinni mun sjóræningjaþema ráða ríkjum. 20 rétta hlaðboð verður í boði og meðal rétta má nefna saltfisk að hætti Jack Sparrow, steinbít í fjársjóðssósu og innbakaðan Davy Jones og er þar verið að vísa til kvikmyndanna vinsælu Pirates of the Caribbean.

Húsið verður opnað kl. 20:00 með fordrykk og hátíðin sett stundvíslega kl. 20:30. Skemmtikraftarnir í sveitinni Hundur í óskilum munu sjá um veislustjórn og skemmtiatriði og um miðnættið tekur við hljómsveitin Green Beans sem spilar fram á nótt.

Hægt er að panta miða hjá Sólrúnu Ólafsdóttur í síma 456-1430, 863-5630 eða á netfanginu [email protected] og einnig er hægt verður að skrá sig á vefnum patreksfjordur.is fram til morgundags. Greiða verður miðana við afhendingu þeirra í félagsheimili Patreksfjarðar milli kl. 20-21 á fimmtudag. eða hjá Sólrúnu verði þeir sóttir fyrir þann tíma.

Greint frá á bb.is

[email protected]