Samstarfssamningur Kjarnafæðis og Kokkalandsliðsins og KM

Fremst á myndinni í hópi KM félaga fv. Björn Bragi Bragason, Helga Sif Eiðsdóttir með dóttur sína Móeiði Krístínu Andrésdóttur í fanginu, Andrés Vilhjálmsson og Ólafur Már Þórisson.

Um árabil hefur Kjarnafæði verið dyggur samstarfsaðili Klúbbs matreiðslumeistara KM og Kokkalandsliðsins og í tilefni af aðalfundi KM sem haldinn var á Siglufirði 7. apríl var undirritaður nýr samstarfssamningur til þriggja ára af Birni Braga Bragasyni forseta KM og þeim Ólafi Má Þórissyni, Helgu Sif Eiðsdóttur og Andrési Vilhjálmssyni fyrir hönd Kjarnafæðis.

Björn Bragi er ánægður með samstarfið sem er traust og gott:

„Við njótum þess að vera í samstarfi við Kjarnafæði sem útvegar okkur ár eftir ár úrvals hráefni til æfinga Kokkalandsliðsins og styður okkur með öllum ráðum. Sannarlega forréttindi að þekkja frábært starfsfólk og eigendur Kjarnafæðis og vita af stuðningnum sem er okkur svo mikilvægur og í raun ómetanlegur.

Við þurfum á sterkum samstarfsaðilum að halda til að geta haldið úti okkar metnaðarfulla keppnisstarfi sem skapar á móti mikil verðmæti fyrir alla virðiskeðjuna með þrautþjálfuðu afreksfólki í matreiðslu og gríðarlegri vöruþróun sem skilar sér oftar en ekki í nýjungum í notkun og úrvinnslu afurða“.

Mynd: aðsend