Samningur við César Ritz Colleges Switzerland um hótelkennslu

Á myndinni eru áfangastjóri verknáms, skólameistari og fulltrúi César Ritz Colleges Switzerland á Íslandi, Árni Sólonsson.

Í síðustu viku undirritaði Margrét Friðriksdóttir skólameistari Menntaskólans í Kópavogi og fulltrúi frá Hótelskóla César Ritz Colleges Switzerland samstarfs-samning um að MK muni taka að sér kennslu í hótelgreinum undir nafni César Ritz.

César Ritz er einn af þekktari hótelskólum heims og er með skóla í Sviss, Bandaríkjunum og Ástralíu. Að sögn Baldurs Sæmundssonar, áfangastjóra verknámsgreina í MK, hefur verið samband við Ritz undanfarin 6-7 ár. Síðan fæddist sú hugmynd að kenna hér fyrsta árið af hótelstjórnunarnámi Ritz. Námið hefst næsta vor.
 
Heimasíða César Ritz Colleges Switzerland: www.ritz.edu
 
Heimild: Mk.is

[email protected]