Róbert á Siglufirði vill breyta Genís húsnæðinu í svítur

Athafnamaðurinn Róbert Guðfinnsson á Siglufirði lagði fram fyrir hönd Selvíkur ehf. fyrirspurn til skipulags- og umhverfisnefnd Fjallabyggðar vegna fyrirhugaðra breytinga á útliti og starfsemi Gránugötu 15B, sem kallast í daglegu máli Genís skemman.

Það var hedinsfjordur.is sem greindi fyrst frá.

Áætlað er að breyta húsnæðinu í svítur og útlit hússins mun svipa til Sigló Hótels, en Róbert er jafnframt eigandi hótelsins.

„Siglo suites eiga verða ca 20 – 50 fm svítur sem verða seldar til einstaklinga og fyrirtækja. Sigló hótel mun þjónusta svíturnar og leigja þær út fyrir eigendur þegar þeir vilja og eru ekki að nota þær“.

Sagði Róbert í samtali við trolli.is.

Inngangur yrði á norðurgafli hússins og bílastæði í sundinu við norðurenda hússins.

Nefndin fagnar allri uppbyggingu í sveitarfélaginu og tekur ágætlega í erindið en vísar því áfram til umsagnar í hafnarstjórn áður en lengra er haldið.

Fundargerðina er hægt að lesa á vef Fjallabyggðar hér.

Myndir: Smári / Veitingageirinn.is