Vertu memm

Nemendur & nemakeppni

Paté gerð hjá matreiðslunemum í þriðja bekk – Myndir

Birting:

þann

Þriðji bekkur matreiðslunema í Verkmenntaskólanum á Akureyri (VMA)

Á þessari önn er þriðji bekkkur í matreiðslu kenndur í annað skipti í VMA. Í desember 2018 lauk fyrsti hópurinn matreiðslunámi frá VMA og í vor lýkur annar hópurinn námi sínu frá VMA og tekur sveinspróf.

Átta nemendur eru í þriðja bekk á þessari önn, sex þeirra luku öðrum bekk vorið 2018 en tveir nemendanna luku honum í desember sl.

Auk verklegra tíma þar sem nemendur vinna undir handleiðslu Theódórs Sölva Haraldssonar matreiðslumeistara eru þeir í bóklegum áföngum í fagfræði og matseðlafræði, sem Theódór kennir, áfanga þar sem fjallað er um eftirrétti, sem Ari Hallgrímsson kennir, og áfanga um vínfræði, sem Edda Björk Kristinsdóttir kennir.

Þriðji bekkur matreiðslunema í Verkmenntaskólanum á Akureyri (VMA)

Í verklegu tímunum er bæði farið í heita rétti og kalda, eins og á fyrri stigum matreiðslunámsins, en þegar komið er í þriðja bekkinn er meiri áhersla á heitu réttina. Þegar litið var inn í verklegan tíma hjá matreiðslunemum í þriðja bekk í gær voru þeir að vinna forvitnilegt paté. Í nokkrum tímum er nemendum skipt í hópa og í hlut hópstjóra kemur að verkstýra og leggja línur með matseðil út frá því hráefni sem vinna skal úr.

Þriðji bekkur matreiðslunema í Verkmenntaskólanum á Akureyri (VMA)

Nemendurnir átta með Theódór Sölva kennara.

Theódór segir að námið sé fyrst og fremst víðtæk þjálfun í ótal mörgum hlutum þar sem byggt er ofan á þá þekkingu sem nemendur hafa aflað sér á fyrri stigum námsins og á vinnustað, því allir eru þessir nemendur annað hvort að vinna í hlutastarfi með náminu eða hafa starfað áður á veitingastöðum. Theódór segir að í náminu sé tekið mið af því að nemendur fara í sveinspróf í maí og því er allt kapp lagt á að þeir verði sem allra best búnir undir það.

Myndir: vma.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Keppni

Keppni matreiðslu- og framreiðslunema – föstudaginn 14. janúar 2022

Birting:

þann

Þjónn

Föstudaginn 14. janúar 2022 verður haldin keppni matreiðslu- og framreiðslunema. Skila þarf umsókn til Matvæla- og veitingasviðs IÐUNNAR. Umsóknarfrestur er til 10. janúar. Keppnin fer fram föstudaginn 14. janúar nk. kl. 10.30.

Keppnin í matreiðslu skiptist í tvo hluta:

  • skriflegt próf
  • verklegan hluta þar sem verkefnið er að matreiða klassískan forrétt og eftirrétt.

Keppnin í framreiðslu skiptist í:

  1. skriflegt próf,
  2. blöndun drykkja – tveir drykkir
  3. kvöldverðaruppdekkning ásamt blómum, fjórir réttir fyrir tvo gesti
  4. fyrirskurður
  5. eldsteiking og
  6. fjögur sérvettubrot

Keppendur hafa ekki aðgang að hjálpargögnum við úrlausn verkefna.

Tveir stigahæstu einstaklingarnir í matreiðslu og framreiðslu munu taka þátt í Norrænu nemakeppninni sem verður haldin í Hótel- og matvælaskólanum 23. og 24. apríl 2022.

Keppnisréttur er bundinn við aldur. Keppendur mega ekki vera eldri en 23 ára þann 1. maí 2022 og skilyrt er að nemar séu á námssamningi í maí 2022.

Allar frekari upplýsingar veitir Ólafur Jónsson sviðsstjóri matvæla- og veitingasviðs IÐUNNAR ([email protected]).

Umsóknarform hér.

Lesa meira

Keppni

Metnaðarfull eftirréttakeppni Striksins á Akureyri – Myndir

Birting:

þann

Eftirréttakeppni á veitingastaðnum Strikinu á Akureyri

Keppendurnir fjórir: Kristinn Hugi Arnarson, Elvar Fossdal, Aðalsteinn Óli Magnússon, Elmar Freyr Aðalheiðarson og Árni Þór Árnason yfirmatreiðslumaður Striksins og Logi Helgason eldhúsdómari

Nú á dögunum fór fram eftirréttakeppni á veitingastaðnum Strikinu á Akureyri, en keppendur starfa allir á staðnum.

„Við höfum við verið ansi dugleg að vera með nemakeppni annað hvort eftirrétta-, eða forréttakeppni.  Vissulega hafa keppnirnar legið í dvala núna yfir covid en vonandi erum við að fara af stað aftur núna.“

Sagði Árni Þór Árnason yfirmatreiðslumaður á Strikinu í samtali við veitingageirinn.is og bætir við:

„Keppendur fá 3-4 hráefni og þema og vinna sig í kringum það.

Í þetta skiptið voru 4 keppendur sem allir vinna og/eða eru nemar á Strikinu.  Flestir að taka sín fyrstu skref í eldhúsi svo ég ákvað að hafa hráefni í auðveldari kantinum. Dökkt og/eða hvítt súkkulaði, appelsína og þemað er íslensk jól.

Allt annað átti að vera frjáls aðferð og vinningshafi leystur út með flottum vinningum frá KEA hotels, Innnes og Strikinu.„

Dómarar voru:

Hallgrímur Sigurðarson, matreiðslumeistari og eigandi R5.

Haraldur Már Pétursson, matreiðslumeistari og eigandi Salatsjoppunnar.

Sigurður Már Harðarson yfirmatreiðslumaður, Útgerðarfélag Akureyringa (ÚA).

Logi Helgason vaktstjóri á Strikinu var eldhúsdómari.

Keppendur máttu koma með allt tilbúið í eftirréttina og fengu að fara í eldhúsið klukkutíma fyrir skil. Fyrstu skil voru klukkan 15:15 og á korter fresti eftir það.

Eftirréttakeppni á veitingastaðnum Strikinu á Akureyri

Elmar Freyr Aðalheiðarson

Það var síðan Elmar Freyr Aðalheiðarson sem bar sigur úr bítum með hvítsúkkulaði skyrmousse með piparkökubotn, piparkökumulning, Cointreau appelsínu ís, melónusalsa og appelsínusósu.

Mjög mjótt var á munum á milli keppenda og skipti hvert stig greinilega máli. En 100 stig voru í pottinum frá hverjum dómara, vægi stiga var sem hér segir:

Bragð og áferð 50 stig:

Vinna 15 stig.
Útlit 15 stig.
Eldhús 10 stig.
Mappa 10 stig:

„Heilt yfir stóðu strákarnir sig mjög vel og komu nýliðirnar mikið á óvart, en þeir höfðu greinilega kynnt sér reglur og annað mjög vel.„

Sagði Árni Þór að lokum.

Myndir: Aðsendar / Strikið

Lesa meira

Nemendur & nemakeppni

Austurlenskt þema hjá nemendum í grunndeild matvæla- og ferðagreina – Myndir

Birting:

þann

Nemendur í grunndeild matvæla- og ferðagreina í Verkmenntaskólanum á Akureyri

Nemendur í grunndeild matvæla- og ferðagreina í Verkmenntaskólanum á Akureyri byggja smám saman upp þekkingar- og reynslubanka. Æfingin skapar meistarann og fá nemendur fá alltaf að glíma við eitthvað nýtt.

Þrisvar í viku er verkleg kennsla og er grunndeildarkrökkunum skipt í þrjá hópa, tveir þeirra eru í eldhúsinu með kennurunum Ara Hallgrímssyni og Marínu Sigurgeirsdóttur og þriðji hópurinn er í borðsalnum og meðtekur þar boðskap Eddu Bjarkar Kristinsdóttur um allt mögulegt er lýtur að framreiðslu matar, að leggja á borð eftir kúnstarinnar reglum o.fl.

Nemendur í grunndeild matvæla- og ferðagreina í Verkmenntaskólanum á Akureyri

Þegar litið var inn í verklegan tíma í liðinni viku var vel unnið á öllum vígstöðvum. Þema dagsins var austurlenskur matur; m.a. svínakjötspottréttur, núðluréttur, nautakjötsstrimlar og meðlæti var m.a. nýbökuð naan brauð og gúrku raita.

Grunndeild matvæla gefur nemendum gott og hagnýtt nám, hvort sem þeir kjósa að halda áfram í þeim greinum sem námið er grunnur að, matreiðsla, bakstur, framreiðsla, kjötiðn eða matartækni, eða eru bara að læra fyrir lífið sjálft.

Nemendur í grunndeild matvæla- og ferðagreina í Verkmenntaskólanum á Akureyri

Ari Hallgrímsson kennir réttu handtökin

Allir þurfa jú að elda fyrir sig og sína og þá kemur sér vel að hafa farið í gegnum tveggja anna grunnnám í VMA. Nemendurnir sem hófu nám sitt í upphafi þessa skólaárs halda áfram eftir áramót og ljúka grunndeildinni næsta vor.

Í námi eins og í grunndeild matvæla eru snertifletirnir vissulega margir. Ætla mætti því að á tímum covid þurfi að fara sérstaklega gætilega og passa upp á hlutina.

Ari Hallgrímsson matreiðslumeistari og brautarstjóri segir að það sé vissulega rétt en hreinlæti sé eitt af fyrstu og mikilvægustu boðorðunum sem nemendur læri í náminu á matvælabraut og því þurfi þeir frá fyrsta degi að tileinka sér strangar hreinlætis- og heilbrigðiskröfur – óháð því hvort covid heimsfaraldur er í gangi eða ekki.

Nemendur í grunndeild matvæla- og ferðagreina í Verkmenntaskólanum á Akureyri

Nemendur í grunndeild matvæla- og ferðagreina í Verkmenntaskólanum á Akureyri

Nemendur í grunndeild matvæla- og ferðagreina í Verkmenntaskólanum á Akureyri

Fleiri myndir er hægt að skoða með því að smella hér.

Myndir: vma.is

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið