Ostakjallarinn kynnir – Frostrós

Frostrós er nýjasti osturinn í Ostakjallaranum en um er að ræða tignarlegan ost af Gouda ætt sem er ætlað að gleðja þig og aðra ostaunnendur yfir hátíðarnar og fyrstu vikur nýs árs meðan myrkasti vetrartími ársins gengur yfir. Hann er framleiddur í takmörkuðu upplagi og því um að gera að ná sér nokkur stykki af þessum eðalosti.

Bragðlega er hann mildur í grunninn en með þroskuðum tónum sem kitla bragðlaukana við hvern bita. Mjúk áferðin og kröftugt eftirbragð gera hann í einu orði sagt ómótstæðilegan.

Frostrós hefur fengið góðan tíma til að þroskast í Ostakjallaranum hjá okkur eða í um 2 ár áður en ostameistarar okkar útskrifuðu hann og nú fá neytendur loks að njóta hans.

Osturinn fæst í völdum verslunum sem selja Ostakjallarann. Þetta eru verslanir eins og Hagkaup, Fjarðarkaup, Melabúðin, stærri Krónuverslanir og sérverslanir með sælkeravöru.