Ómerkt mjólk í kökuskreytingarefni

Matvælastofnun varar neytendur með ofnæmi- eða óþol fyrir mjólk við neyslu á silfurkúlum frá Dr. Oetker. Varan inniheldur mjólk sem ekki er getið um á umbúðum. Kaupfélag Skagfirðingar hefur ákveðið að taka úr sölu og innkalla vöruna í samráði við Heilbrigðiseftirlit Norðurlands vestra.

Innköllun á við allar lotur og allar best fyrir dagsetningar:

• Vörumerki: Dr.Oetker
• Vöruheiti: Chocolate Silver Pearls
• Strikamerki: 5701073061060
• Best fyrir dagsetningar: Allar dagsetningar.
• Eftirfylgnisnúmer: 401775 EC VALIDATED
• Framleiðandi: Dr.Oetker
• Innflutingsaðili á Íslandi: Kaupfélag Skagfirðinga.
• Dreifing: Skagfirðingabúð

Tilkynning um innköllun barst Matvælastofnun frá Danmörku í gegnum RASFF hraðviðvörunarkerfi Evrópu um hættuleg matvæli á markaði. Varan er ekki skaðleg þeim sem ekki hafa ofnæmi eða óþol fyrir mjólk.

Hægt er að skila vörunni í Skagfirðingabúð eða senda hana til Kaupfélags Skagfirðinga, Ártorgi 1, 550 Sauðárkróki. Nánari upplýsingar veitir Skagfirðingabúð.