Ölgerðin valin sem eini dreifingaraðili allra vínhúsa Moët og Hennessy á Íslandi

Nú um áramótin tók Ölgerðin við umboðum einsog Veuve Clicquot, Krug, Ruinart, Cloudy Bay og fleiri, en fyrir var Ölgerðin með umboðið fyrir merki einsog Moët Chandon, Dom Perignon, Hennessy, Belvedere.

Í lok janúar kemur fyrsta sendingin til landsins.

„Þetta er mikill heiður og stefnum við á að halda áfram að að leiða vöxt þessara frábæru og rótgrónu vínhúsa sem ættu Íslendingum að vera vel kunn“

segir Egill Sigurðsson vörumerkjastjóri.

Vöruvalið mun svo mótast á vormánuðum og er stefnt á að auka við vöruvalið en nú eru rúmlega 25 vörumerki sem eru undir samsteypunni. Með þessu verður Ölgerðin leiðandi á Íslandi í heimi lúxuskampavína.