Nýtt kaffihús og bakarí opnar í Reykjanesbæ

Keflavík Café er til húsa að Hafnargötu 28, þar sem Kaffi Stefnumót var áður.

Íbúar Reykjanesbæjar geta glaðst yfir því að í næstu viku verður opnað nýtt kaffihús og bakarí í hjarta bæjarins. Staðurinn heitir Keflavík Café og er til húsa að Hafnargötu 28, þar sem Kaffi Stefnumót var áður.

Mæðginin, Claudia Serrano og Francisco Valladares Serrano eigandi Fernando’s við Hafnargötu

Eigendur staðarins eru þeir sömu og reka pizzustaðinn Fernando’s við Hafnargötu.

Hægt verður að fá bakkelsi, beyglur og vöfflur meðal annars, en kaffið verður frá Te & Kaffi, að því er fram kemur á vef Víkurfrétta sem fjallar nánar um málið hér.

Myndir: Smári / Veitingageirinn.is