Nýtt gistihús og nýr veitingastaður í Reykjanesbæ

Fyrirhugað er að opna gistihús og veitingastað í gamla Sparisjóðshúsinu í Njarðvík við Grundarveg 23.
Mynd: Smári

Fyrirtækið Rent fasteignir ehf. hefur hug á því opna gistihús og veitingastað í gamla Sparisjóðshúsinu í Njarðvík við Grundarveg 23.

Búið er að senda erindi til Umhverfis-og skipulagsráð Reykjanesbæjar og óska eftir leyfi til breytingar. Fyrirhugað er að í fasteigninni verði gisting á 2. og 3. hæð og kaffihús/matsölustaður og gisting á jarðhæð.

Samkvæmt fasteignaskrá er notkun eignarinnar skráð banki og skrifstofur. Umhverfis-og skipulagsráð Reykjanesbæjar tekur vel í erindið en sækja þarf um byggingarleyfi hjá byggingarfulltrúa með tilheyrandi gögnum.