Nýr veitingastaður sem byggir á færeyskri fyrirmynd

Í dag opnaði Taurus Steakhouse sem staðsett er við Grensásveg 10, en staðurinn sérhæfir sig í steikum á verði og hraða sem hentar vinnandi fólki, fjölskyldum og hópum.

Staðurinn byggir á fyrirmynd frá Þórshöfn í Færeyjum sem hefur notið mikilla vinsælda þar á landi.

Taurus í Reykjavík er stofnaður af þeim sömu og eiga staðinn í Færeyjum. Þeir heita Rúni Djurhuus, Petur Slyne og Tóki Skeel.

Taurus Steakhouse er rekinn af Íslendingum sem eiga staðinn á móti færeysku útrásarvíkingunum og staðurinn hér á landi var hannaður af Leifi Welding og er í alla staði glæsilegur.

Stefanía Gunnarsdóttir rekstrarstjóri Taurus

“Við viljum bjóða uppá góðar steikur á betra verði í óhátíðlegu umhverfi. Okkur hefur þótt slíkt vanta í veitingastaða-flóruna hér á landi. Maður á ekki að alltaf að þurfa að fara í sparifötin til að fá sér steik”

segir Stefanía Gunnarsdóttir rekstrarstjóri Taurus.

Í tilefni opnunarinnar gaf Taurus 200 fyrstu viðskiptavinum sínum ókeypis steik og franskar og var húsið fullt útúr dyrum strax við opnun kl 11:00 í morgun.

Matseðillinn sem er á boðstólnum er girnilegur að sjá, en þar má sjá forrétt sem inniheldur Mozzarellastangir, Jalapeno belgir og heitir kjúklingavængir á 1390 krónur, humarsúpu á 1990 krónur.

Steikar matseðillinn inniheldur meðal annars 190 til 220 gr steikur frá 2990 til 4990 krónur, Rib Eye Steik 300 gr á 4990 krónur og Lamba Fillet 200 gr á 3990 krónur svo fátt eitt sé nefnt.

Eftirréttir eru belgísk vaffla með ís eða Súkkulaði kaka með ís á 1390 krónur og ís úr vélinni eins og þú getur í þig látið á 990 krónur.

Og svo á má ekki gleyma börnunum en þar er boðið upp á kjúklinganagga, Nautasteik 100 gr og barnapizzu.

Sérstakt hádegistilboð er í gangi alla daga frá klukkan 11:30 til 15:00 en þá er boðið upp á Taurus Steik 190 gr sem er borinn fram með frönskum kartöflum og sósu að eigin vali.  Valið stendur á milli piparsósu, Bearnaise sósu og whiskeysósu á 1990 krónur.

Taurus Steakhouse heimasíða: steikhus.is
Taurus Steakhouse á facebook: facebook.com/taurusreykjavik