Nýr veitingastaður opnar í Kringlunni – Finnsson Bistro

Það eru miklar framkvæmdir í gangi. Hér er verið að færa hringstigann til að stækka eldhúsið.

Um áramótin s.l. lokaði veitingastaðurinn Café Bleu sem staðsettur var á Stjörnutorgi Kringlunnar fyrir fullt og allt.

Miklar framkvæmdir standa nú yfir á staðnum þar sem að Café Bleu var áður, en verið er að endurhanna allt svæðið og stefnt er að opna með vorinu nýjan veitingastað.

Staðurinn heitir Finnsson Bistro og verður lögð áhersla á blómlegan og litríkan veitingastað með fjölbreyttan og spennandi matseðil þar sem allir finna eitthvað við sitt hæfi.

Matreiðslusnillingarnir Óskar Finnson og Völundur Snær Völundarson spá í teikningar staðarsins.

Eigendur eru Klara Óskarsdóttir og Finnur Óskarsson, en faðir þeirra er matreiðslumeistarinn Óskar Finnson sem tekur fullan þátt í rekstri staðarins ásamt eigingkonu sinni Maríu Hjaltadóttir.

Það ætti ekki að fara fram hjá gestum Kringlunnar að Finnsson Bistro er að opna með vorinu.

Meðal nýjunga verður notalegur Búbbluskáli þar sem boðið verður upp á úrval af freyðivíni og kampavíni í litlum flöskum í blómlegu umhverfi.

Myndir: facebook / Finnsson Bistro