Ný kynslóð kjötiðnaðarmanna – Myndasafn af nemendum að störfum

Rúnar Ingi Guðjónsson, gæðafulltrúi í Kjarnafæði-Norðlenska, og kennari í kjötiðn í VMA, leiðbeinir einum af kjötiðnnemunum, Elínborgu Bessadóttur.

Níu nemendur stunda nám í kjötiðn og taka sín fyrstu skref í þessu sérhæfða fagi. Námið er hluti af matvælabraut Verkmenntaskólans á Akureyri (VMA), þar sem áhersla er lögð á vandaða verklega kennslu, fræðilega þekkingu og öflugan undirbúning fyrir starf á breiðu sviði kjötiðnaðarins.

Í starfi kjötiðnaðarmanns fellst að vinna og pakka kjöti og kjötréttum fyrir neytendur, setja upp kjötborð og þjónusta viðskiptavini. Hann starfar meðal annars í kjötvinnslum, verslunum, sláturhúsum og við matvælasölu. Kjötiðn er löggilt iðngrein.

Við upphaf náms þurfa nemendur að vera á samningi í faginu – og því eru allir nemendur í starfi jafnhliða því sem þeir stunda námið í lotum. Kjötiðn er verklegt og bóklegt fagnám sem lýkur með sveinsprófi á 3. hæfniþrepi. Námið er 288 einingar og eru 88 einingar þess í skóla og 200 einingar eru á viðurkenndum starfsnámsstöðum sem hafa rétt til að taka nemendur á námssamning.

Við lok þessarar vorannar útskrifast hluti þeirra kjötiðnnema sem nú stundar námið í VMA en aðri nemendur síðar.

Á dögunum voru kjötiðnnemar með verklega æfingu í húsnæði matvælabrautar VMA þar sem þeir voru að æfa sig að úrbeina lambaskrokka og útbúa síðan úr þeim tilbúna steikur eða rétti.

Myndir: vma.is