Námið í matvælagreinum við MK – Hlaðvarp

Baldur Sæmundsson

17. janúar 1997 var hátíðisdagur í Menntaskólanum í Kópavogi. Þann dag var formlega tekin í notkun verknámsálma sem hýsti nám í matvælagreinum.

Gestur hlaðvarpsins er Baldur Sæmundsson sem vart þarf að kynna, en hann er með meistararéttindi í mat- og framreiðslu og gríðarlega reynslu á báðum sviðum. Baldur hefur starfað sem kennari við MK um árabil.

Baldri er tíðrætt um þau tækifæri sem ungt fólk fær í náminu bæði hvað varðar keppnir og að skapa sér bæði nafn og starfsferil sem fagfólk í sinni grein. Hann er hér í fræðandi og skemmtilegu spjalli um námið í MK og þær breytingar sem hafa orðið í áranna rás.

Hér er á ferðinni fjórði þáttur í röð hlaðvarpa sem eru lokaverkefni þeirra Dóru Svavarsdóttur og Þyrnis Hálfdánarsonar matreiðslumeistara og nema við Menntavísindasvið HÍ. Þættirnir fjalla um matreiðslunám, þá, nú og um alla framtíð.