Myndir frá formlegri opnun Saltfiskvikunnar

Eva Margrét hjá Matís og Siggi Hall

Í gær var Saltfiskvika formlega sett við skemmtilega athöfn í Salt eldhúsi við Þórunnartún. Frú Eliza Reid, verndari kokkalandsliðsins og Kristján Þór Júlíusson, sjávarútvegs og landbúnaðarráðherra, voru viðstödd. Meistarakokkar frá Ítalíu, Spáni, Portúgal og úr íslenska kokkalandsliðinu töfruðu fram fjölda ólíkra og gómsæta rétti þar sem saltfiskur var í öndvegi.

Fleiri fréttir frá Saltfiskvikunni hér.

Markmiðið með Saltfiskvikunni er að vekja athygli á þeirri sælkeraafurð sem saltfiskurinn er. Gestakokkarnir Carlota Claver frá Spáni, Diogo Rocha frá Portúgal og Lorenzo Alessio frá Ítalíu munu elda á nokkrum þeirra 13 veitingastaða sem taka þátt í Saltfiskviku, að því er fram kemur á vef matis.is.

Frú Eliza Reid (t.h.), verndari kokkalandsliðsins var viðstödd við setninguna

Munu þau kynna hvernig hægt er að matreiða saltfisk hvert með sínu sniði en öll eiga þau það sameiginlegt að vera mikilsmetnir kokkar sem leggja mikla áherslu á saltfisk og koma frá löndum þar sem saltfiskurinn er í hávegum hafður.

Það var Eva Margrét hjá Matís sem sá um að sýna Snapchat vinum veitingageirans frá formlegri opnun Saltfiskvikunnar.  Meðfylgjandir myndir eru skjáskot úr Snapchat veitingageirans.