Miklar framkvæmdir á Víkinni | Snorri Birgir: „Ég ætlaði nú bara að dúka eldhúsið“

Kaffihúsið og veitingastaðurinn Víkin er staðsett á 1. hæð Sjóminjasafnsins með fallegu útsýni yfir höfnina.

Veitingastaðurinn Víkin sem staðsettur er í Sjóminjasafninu í Reykjavík hefur verið lokaður, en núna standa yfir miklar breytingar á staðnum.  Víkin opnar aftur um mánaðarmótin maí og júní næstkomandi.

Eldhúsið í andlitslyftingu

Snorri Birgir Snorrason rekstraraðili vildi ekki gefa of mikið upp hvernig breytingar verða á staðnum nema þegar nær dregur að opnun.  Snorri er matreiðslumeistari að mennt en hann tók við rekstrinum árið 2012 og hefur boðið upp á notalegt kaffihús ásamt veislusal og veisluþjónustu.

Snorri Birgir Snorrason

„Opna á kvöldin. Höfum hingað til bara verið kaffihús og lunch og svo veislur á kvöldin.“

, sagði Snorri í samtali við veitingageirinn.is aðspurður um hvort breytingar yrði á opnunartíma.  Staðurinn hefur hingað til boðið upp á fiskrétti í hádeginu ásamt súpu, heimalagað brauð, samlokur, kaffi og kökur.  Það verður spennandi að sjá hvernig mat sem Snorri kemur til með að bjóða upp á kvöldin.

Snorri deildi þessari mynd á facebook og skrifaði; „Ég ætlaði nú bara að dúka eldhúsið“, og við það skapaðist skemmtilegar umræður.

Myndir: facebook / Snorri Birgir Snorrason / Víkin Kaffihús