Vertu memm

Viðtöl, örfréttir & frumraun

Matur og gleði hjá KM – Orðuveiting – Myndir

Birting:

þann

Klúbbur Matreiðslumeistara - Hótel Varmaland - Matur og gleði hjá KM - Orðuveiting

Bjarki Ingþór Hilmarsson, Ólöf Jakobsdóttir og Þórir Erlingsson

Á árshátíð Klúbbs matreiðlsumeistara sem haldin var á Hótel Varmalandi þann 29. apríl síðastliðinn var Ólöfu Jakobsdóttir veitt Cordon Blue orða KM. Orðan er veitt þeim sem sýnt hafa fram á framúrskarandi starf í þágu matreiðslufagsins.

Klúbbur Matreiðslumeistara - Hótel Varmaland - Matur og gleði hjá KM - Orðuveiting

Ólöf ásamt foreldrum.
Fv. Valgerður Jóhannsdóttir, Ólöf Jakobsdóttir og Jakob Hörður Magnússon

„Ólöf á meðal annars heiðurinn að því að stofnuð var Jafnréttisnefnd innan KM og er starfandi formaður hennar.

Auk þess að hafa sinnt ýmsum störfum fyrir KM, þá er Ólöf óþreyttandi að benda á það sem betur má fara í starfi KM, sérstakalega þegar kemur að jafnrétti“.

sagði Þórir Erlingsson forseti KM.

Klúbbur Matreiðslumeistara - Hótel Varmaland - Matur og gleði hjá KM - Orðuveiting

Ólöf lærði matreiðslu á Horninu, Hótel Sögu, Geranium í Kaupmannahöfn og Hótel Lególandi. Hún er einnig viðurkenndur alþjóðlegur dómari frá heimssamtökum matreiðslumanna og hefur dæmt í keppnum fyrir KM.

Veisluþjónusta - Banner

Í dag starfar Ólöf sem matreiðslumeistari og veitingastjóri á Horninu, sem hún rekur með fjölskyldu sinni.

„Það vantar fleiri stelpur í nám í matreiðslu og það vantar fleiri konur inn í starf KM. Með konum eins og Ólöfu í fararbroddi má reikna með því að konum fjölgi á næstu árum“

sagði Þórir að lokum.

Klúbbur Matreiðslumeistara - Hótel Varmaland - Matur og gleði hjá KM - Orðuveiting

Þórir Erlingsson forseti Klúbbs matreiðslumeistara

Matur og gleði

Óhætt er að segja að mikil gleði hafi verið á Hótel Varmalandi í Borgarfirði þann 29. apríl síðastliðinn þegar aðalfundur og árshátíð Klúbbs matreiðslumeistara var haldinn.

Sjá einnig: Spennandi tímar framundan hjá Klúbbi Matreiðslumeistara – Lárusi Rúnari Loftssyni veitt heiðursorða KM

Fundurinn hófst klukkan 10:00 og var aðalfundastörfum lokið um klukkan 15:00. Árshátíðin hófst svo klukkan 18:00. Fyrr um daginn var mökum félagsmanna boðið í ferð um Borgarnes þar sem Landnámssetrið var meðal annars heimsótt.

Auk frábærum félagsskap og fjölda happdrættisvinninga, orðuveitingar og tónlist fram eftir nóttu, þar sem félagsmenn dönsuðu af mikilli ákefð, stóðu matreiðslumenn hótelsins sig frábærlega.

Matseðill kvöldsins saman stóð af:

Canapé
Lifrafrauð í kramarhús með portvínshlaupi & pikkluðum ávöxtum

Forréttur
Gufusoðinn þorskur með bankabyggi, kerfill & buerre blanc

Aðalréttur
Timjan-& black garlic marineruð lambamjöðm, kartöflupressa með lambaskanka, ostrusveppum, sveppakrem & lambasoðsósa

Eftirréttur
Sticky toffee kaka með butterscotch karmellu og vanilluís

Myndir: Klúbbur Matreiðslumeistara

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið