Lux með glæsilega veislu á Kjarvalsstöðum

Hinrik Örn Lárusson og Viktor Örn Andrésson

Rekstraraðilar veisluþjónustunnar Lux Veitinga þeir Viktor Örn Andrésson og Hinrik Örn Lárusson matreiðslumeistarar hafa komið víða við og séð um glæsilegar veislur.

Frá því að Lux veitingar hófust þann 12. september 2018 þá hafa þeir félagar séð um matreiðslu í fjölmörgum lúxus veislum, allt frá litlum veislum til mjög fjölmennra, eldað með lækninum undir berum himni, árshátíð í Listasafni Reykjavíkur, Sushi í veislur svo fátt eitt sé nefnt.

Sýnishorn af veisluréttum frá Lux veitingum

Lux veitingar er alhliða veisluþjónusta, bjóða upp á leigu á borðbúnaði, veitinga-ráðgjöf, námskeið og gestakokkaviðburði þá bæði hér á landi og erlendis.

Ná á dögunum voru þeir félagar Viktor og Hinrik með veislu á Kjarvalsstöðum, sem var sérlega vel heppnuð.

„Við hjá Lux veitingum höfum verið með veislur á hinum ýmsu stöðum undanfarið, meðal annars settum við upp eldhús út á túni rétt hjá Stokkseyri í síðustu viku þar sem við vorum að þjónusta erlent fyrirtæki sem var með viðburð þar.

Svo núna síðast vorum við með mjög flott og metnaðarfullt verkefni á Kjarvalsstöðum.“

Sagði Viktor í samtali við veitingageirinn.is.

Frá veislunni á Kjarvalsstöðum

Matseðillinn á Kjarvalsstöðum

Lystauki:
Jarðskokkar, reykt bleikja & Dill

Kjúklingalifur, aðalbláber & trufflur

Grillaður humar, parmesan & epli

Forréttur:
Hægeldaður þorskur & kóngakrabbi
Bakað blómkál, Sturgeon caviar & kremað kóngakrabbasoð

Aðalréttur:
Grillað lamb & hægeldaður skanki
Seljurót, trufflur & krækiberja gljái

Eftiréttur:
Hvítsúkkulaði og rabbabari
36% sýrður rjómi, heslihnetur & volg kaka

Myndir: facebook / Lux veitingar og Instagram