Loka veitingastaðnum eftir aðeins tvo mánuði í rekstri

Veitingastaðurinn Eldhús Akureyri

Veitingastaðurinn Eldhús Akureyri sem staðsettur er við Furuvellir 7 hefur verið lokaður, en í tilkynningunni segir:

„Matsmiðjunni / Eldhús Akureyri hefur verið lokað og ekki er hægt að leggja inn pantanir fyrir mat í gegnum síma eða heimasíðu fyrirtækisins.“

Matsmiðjan var seld fyrir rúmlega 2 mánuðum síðan af Sölva Antonssyni matreiðslumeistara og var nafninu Matsmiðjan breytt í Eldhús Akureyri.

Eldhús Akureyri bauð upp á hádegishlaðborð, bakkamat, fyrirtækja og mötuneytaþjónustu. Eldhús Akureyri rekur einnig mötuneytið fyrir nemendur og kennara í VMA, en ekki er vitað að svo stöddu hvernig rekstur Eldhús Akureyrar er á mötuneytinu.

Á heimasíðu kea.is kemur fram að eignarhlutur KEA er 40% í Eldhúsi Akureyrar ehf.

Í tilkynningu á akureyri.is kemur fram að samkomulag hefur náðst um að Vitinn Mathús eldi mat fyrir viðskiptavini velferðarsviðs tímabundið en heimsendur matur var í síðasta sinn afgreiddur frá Eldhúsi Akureyrar (Matsmiðjunni ehf) í gær.

Mynd: Smári / Veitingageirinn.is